Zjarri në masivin pyjor të Drenovës në Mallakastër është riaktivizuar sërish duke vënë në rrezik një sipërfaqe të gjerë me pyje dhe bimësi.
Shërbimet zjarrfikëse kanë rinisur operacionin për shuarjen e flakëve, por ndërhyrja po kryhet me mjete rrethanore dhe mjete dore, për shkak se terreni i thepisur dhe i vështirë për aksesim e bën të pamundur hyrjen e automjeteve zjarrfikëse.
Forcat zjarrfikëse, të mbështetura nga banorë vullnetarë dhe autoritetet lokale, po punojnë me përkushtim për të frenuar përhapjen e zjarrit dhe për të mbrojtur zonat e banuara.
