Emanuele Ndoj është futbollisti më i ri i ekipit të Ascoli. Pasi mbylli aventurën e tij me Latina Calcio, mesfushori 28-vjeçar ka vendosur që të nisë një të re me ekipin e Serie C, pikërisht Ascoli.
Me këta të fundit, mesfushori shqiptar ka firmosur një kontratë 1-vjeçare, por ka opsionin e rinovimin edhe për një vit tjetër.
Ndërkohë që vlen të përmendet se Ndoj ka luajtur 6 ndeshje me fanellën e Shqipërisë, duke shënuar edhe një gol.
28-vjeçari ka një karrierë të pasur dhe të gjatë në futbollin italian, pasi ka luajtur me ekipe të njohura. Ndoj është aktivizuar me Padova, Roma U19, Brescia, Cosenza dhe Catania.
