Të gjithë nënkryetarët, administratorët dhe drejtorët e Bashkisë Sarandë kanë paraqitur dorëheqjen paraditen e sotme.
Kjo lëvizje vjen në një klimë ku në disa bashki të vendit janë regjistruar dorëheqje në strukturat drejtuese, pas ultimatumit të dhënë më herët nga kryeministri Edi Rama për riorganizimin e administratave lokale.
Ndërkohë, në Bashkinë e Vaut të Dejës, ka përfunduar mbledhja urgjente e thirrur nga kryetari Kristian Shkreli, në të cilën të tre nënkryetarët, pesë administratorët dhe të gjithë drejtorët e drejtorive kanë paraqitur dorëheqjet e tyre.
