E ardhmja e Armando Brojës te Chelsea duket gjithnjë e më e pasigurt, ndërsa interesimi nga Bundesliga është rritur ndjeshëm për sulmuesin shqiptar.
Sipas The Athletic, RB Leipzig dhe Stuttgart po ndjekin nga afër situatën e Brojës, duke e konsideruar si një opsion konkret për repartin ofensiv.
Leipzig mund të përballet me largimin e Benjamin Sesko dhe Xavi Simons këtë verë, dhe Broja shihet si një alternativë premtuese për t’i zëvendësuar.
Ndërkohë, Stuttgart që sezonin e ardhshëm do të garojë në Europa League – është në kërkim të përforcimeve pas refuzimit të një oferte nga Bayern për Nick Woltemade.
Gjatë sezonit të kaluar, Broja ishte i huazuar te Everton, por dëmtimet e kufizuan ndjeshëm, duke luajtur vetëm 332 minuta në 10 ndeshje pa shënuar gol.
