Policia e Gjirokastrës ka arrestuar një 40-vjeçar, pasi po transportonte kundrejt pagesës shtatë emigrantë nga Bangladeshi, me qëllim kalimin e tyre të paligjshëm drejt Kosovës.
Policia bën me dije se E. M., 40 vjeç, banues në Tiranë, u ndalua teksa po transportonte me automjetin tip “Volkswagen” emigrantët e paligjshëm
“Në kuadër të operacionit, specialistët për Hetimin e Trafiqeve të Paligjshme në bashkëpunim me Sektorin e Policisë Rrugore të DVP Gjirokastër, kapën në aksin rrugor “Tepelenë-Krahës”, në dalje të qytetit të Memaliajt, shtetasin E. M., 40 vjeç, banues në Tiranë. Ai u ndalua teksa po transportonte me automjetin tip “Volksëagen” emigrantët e paligjshëm.
Gjatë kontrollit, u sekuestruan automjeti, një telefon celular dhe një shumë parash, që dyshohet se ishin përfituar nga ky aktivitet kriminal.
Materialet hetimore i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme ligjore.”, njofton policia.
