Kryeministri Edi Rama ka njoftuar se shumë shpejt qeveria do të ndërmarrë një akt normativ që do të prekë sektorë strategjikë si uji i pijshëm dhe furnizimi me naftë, me synimin për të rritur kontrollin shtetëror.
Rama tha se po punohet për ngritjen e një sistemi të ri të furnizimit me naftë, ku shteti do të ketë një rol të drejtpërdrejtë në realizimin e kontratave dhe garantimin e furnizimit.
Kujtojmë se miqtë e tij oligarkë i vendosin çmimet e karburanteve sipas dëshirës. Konkretisht, sa herë çmimi i naftës ngrihet në bursat globale nxitojnë ta rrisin edhe në Shqipëri, por kur në bursa ulet, oligarkët e Ramës e mbajnë çmimin e pandryshuar.
“Po punojmë intensivisht për një sistem të ri të furnizimit të naftës, domosdoshmëri dhe mundësi për të kaluar edhe te furnizimi i naftës me një komponent të ri të shtetit si protagonist në realizimin e kontratave dhe furnizimin me naftë. Që mendojmë se do të sjellë një kontroll më të madh në çmimin dhe qarkullimin e naftës.“- tha Rama.
