Festa e ditëlindjes së Lamine Yamal është në qendër të polemikave të mëdha në Spanjë.
Futbollisti i Barcelonës festoi dje ditëlindjen e tij të 18-të me një event që është bërë një nga më të përfolurit e verës spanjolle, por kanë rënë shumë kritika sepse ADEE ka denoncuar përdorimin e personave që vuajnë nga nanizmi (një gjendje e shkaktuar nga sasia e pamjaftueshme të hormonit të rritjes në trupin e njeriut.)
Në festë morën pjesë të ftuar të njohur, përfshirë streamer, influencer, shokë skuadre dhe këngëtarë të nivelit të Bizarrap, Duki, Ozuna dhe Bad Gyal. Një situatë që po komentohet shumë dhe që ka krijuar polemika shumë të ashpra.
Shoqata e personave me akondroplazi dhe displazi të tjera skeletike me nanizëm (Asociacion ADEE) publikoi një shënim zyrtar në profilin e saj në rrjetet sociale që ka shkaktuar shumë bujë në gjithë vendin dhe është bërë virale: shoqata pretendon se persona me nanizëm janë punësuar si argëtues në festën e Lamine Yamal dhe se do të ndërmerren veprime ligjore ndaj futbollistit spanjoll.
Komunikata zyrtare
“Shoqata e personave që vuajnë nga akondroplazia dhe displazitë e tjera skeletike me nanizëm denoncon punësimin e personave që vuajnë nga nanizmi si argëtues në festivalin e Lamine Yamal. Do të ndërmarrim veprime ligjore dhe shoqërore”.
COMUNICADO OFICIAL | La Asociación de Personas con Acondroplasia y Otras Displasias Esqueléticas con Enanismo denuncia la contratación de personas con enanismo como entretenimiento en la fiesta de Lamine Yamal.
Actuaremos por la vía legal y social.https://t.co/cAjEH0Fm03— Asociación ADEE (@adee_esp) July 13, 2025
Të ftuarit në festën e ditëlindjes së Lamine Yamal
Shumë shokë skuadre të Barcelonës si Gavi, Cubarsí, Fort dhe Balde qëndruan me mikun e tyre deri natën vonë, ashtu si edhe një tjetër ish-lojtar i Barçës si Joao Félix. Të pranishëm ishin edhe Gerard Piqué dhe piloti i Ferrarit Charles Leclerc. E madhe ishte prania e artistëve si Bad Gyal, Lola Indigo, JC Reyes, Duki, Emilia Mermes, Luck RA, Quevedo, Nicky Nicole, Chimbala dhe miku i tij Morad. Të pranishëm ishin edhe influencer si The Grefg dhe Ibai.
