Policia e Shkodrës ka dalë me njoftim zyrtar për ngjarjen e ndodhur në lagjen Dobraç.
Policia bën me dije se një 41-vjeçar është arrestuar, pasi ka kanosur me armë zjarri fqinjin e tij pas një konflikti mes tyre.
Mësohet se në pranga ka rënë shtetasi Sirjan Jahja, banues në Dobraç.
Nga veprimet e para proceduriale, dyshohet se për motive të dobëta 41-vjeçari ka qëlluar me armë zjarri pistoletë, në tokë, për të kanosur fqinjin e tij, shtetasin me iniciale A. K.
“Specialistët për Hetimin e Krimeve të Komisariatit të Policisë Shkodër, në bashkëpunim me shërbimet e Patrullës së Përgjithshme, të mbeshtetura nga Forca e Posaçme “Shqiponja”, menjëherë pas marrjes së njoftimit se në Dobraç, një shtetas kishte kanosur me armë zjarri, fqinjin e tij, kanë organizuar punën për kapjen e autorit dhe zbardhjen e rrethanave të rastit.
Si rezultat i veprimeve të shpejta, u kap në flagrancë dhe u arrestua shtetasi Sirjan Jahja , 41 vjeç, banues në Dobraç.
Nga veprimet e para proceduriale dyshohet se për motive të dobëta, shtetasi S. J. ka qëlluar me armë zjarri pistoletë, në tokë, për të kanosur fqinjin e tij, shtetasin A. K“, njoftoi policia.
Materialet procedurale do t’i kaloj ë Prokurorisë pranë Gjykatës Shkodër, për veprime të mëtejshme.
Lexo edhe:
Shkodër/ Një person kërcënon me armë fqinjin, arrestohet nga policia
