Një tjetër talent i akademisë zikaltër do të nisë aventurën e tij jashtë Italisë.
Interi dhe Club Brugge kanë arritur marrëveshjen për transferimin e mesfushorit të ri, Aleksandar Stankoviç, në Belgjikë për një shumë prej 8 milionë eurosh, plus 2 milionë të tjera në formë bonusesh të lidhura me paraqitjet dhe objektivat e arritura nga lojtari.
Por ajo që bie më shumë në sy në këtë marrëveshje është një klauzolë e rëndësishme që Interi ka arritur të përfshijë. E drejta e riblerjes për shumën prej 28 milionë eurosh.
Kjo tregon se klubi italian beson ende në potencialin afatgjatë të mesfushorit 19-vjeçar dhe dëshiron ta mbajë nën vëzhgim të vazhdueshëm zhvillimin e tij.
