Zbardhen detaje të reja lidhur me ngjarjen e rëndë në Mat, ku u gjet i vrarë 23-vjeçari Renis Dobra pranë liqenit të Shkopetit.
Sipas raportimeve dy automjete të tipit Range Rover dyshohet se kanë ardhur nga Rrësheni me qëllim rrëmbimin e të riut.
Ndërkohë, një tjetër makinë, e nisur nga Miloti, ka kaluar në rrugën Milot-Burrel dhe ka monitoruar qarkullimin në një segment prej rreth 12 kilometrash.
Në kuadër të hetimeve, policia pritet të shoqërojë 10 persona që dyshohet se kanë dijeni apo lidhje me ngjarjen.
Rrethanat dhe motivi i krimit vijojnë të jenë objekt hetimi, ndërsa pista kryesore mbetet ajo e një rrëmbimi të shoqëruar nga dhunë e më pas vrasje.
