PSG dhe Real Madrid përballen sot në gjysmëfinalen e Botërorit të Klubeve, një duel që për shumëkënd është finalja e mirëfilltë e këtij turneu që zhvillohet për herë të parë me formatin e ri.
Për shkak të trafikut të madh në qytetin e Nju Jorkut, që vonoi edhe mbërritjen e skuadrave dhe tifozëve në stadium, u vendos që starti i ndeshjes të shtyhej me 10-15 minuta.
Francezët vijnë me petkun e një skuadre favorite, pasi janë fituesit në fuqi të Ligës së Kampioneve dhe kanë treguar edhe në ndeshjet e mëparshme të këtij aktiviteti formën që po kalojnë.
Por përballë Realit dhe emrave të mëdhenj të kësaj skuadre, nuk je asnjëherë me të vërtetë favorit. Ndaj ndeshja e sotme pritet me shumë kureshtje pasi shumëkush është i bindur se fituesi i turneut do të dalë pikërisht nga kjo gjysmëfinale.
: PSG vs Real Madrid kick-off is DELAYED by 10 minutes due to a traffic accident near the stadium. pic.twitter.com/mcyJDljY5O
— Fabrizio Romano (@RomanoFabnews) July 9, 2025
