Aksioni për shembjen e ndërtimeve pa leje në zonën e fshatit turistik të Thethit vijon.
Ditën e sotme, IKMT ka hedhur në tokë një objekt dy katësh që ishte në ndërtim e sipër. Sipas IKMT, ky objekt po ndërtohej pa leje por natyrshëm lind pyetja retorike se deri në këtë moment ku ishin autoritetet dhe pse nuk reagonin?
Pasi siguroi mandatin e katërt, Rama i cili njihet nga të gjithë si ideatori i betonizimit të Tiranës, sot u “kujtua” për të mbrojtur natyrën në Theth.
Banorët e Thethit kanë nisur një protestë kundër shembjes së strukturave që kanë ngritur në tokën e tyre, ku ditën e sotme bllokua komplet urën e vetme që të çon në fshatin turistik.
Banorët e Thethit kanë kundërshtuar me forcë prishjen e objekteve, duke e konsideruar aksionin të padrejtë dhe të papërshtatshëm për një zonë që varet nga turizmi. Protestuesit gjatë tensioneve me policinë kanë theksuar se shteti po “vret” të ardhmen e tyre dhe se po largon turistët nga zona.
Në Theth ka nisur një perplasje mes autoriteteve policore dhe banorëve të zonës, për shkak të urdhërit të kryeministrit Rama për prishjen e ndërtimeve pa leje. Banorët kanë kundërshtuar këtë urdhër, duke kërkuar dialog mes tyre dhe shtyrje të afatit deri në përfundim të sezonit turistik.
Por këto kërkesa të banorëve, duket se kanë rënë në vesh të shurdhët, pasi IKMT po vijon me shembjen e strukturave pa leje. Në këto kushte, banorët në shenjë proteste kanë paralajmëruar se do të mbyllin fare bujtinat
