Një parcelë me bimë narkotike është zbuluar në një ambient të fshehur në fshatin Mazhë të Krujës, gjatë një kontrolli ajror me dron. Ngjarja është konstatuar më 7 korrik dhe u bë e ditur sot nga Policia e Tiranës.
Sipas njoftimit zyrtar, në këtë zonë u gjetën 12 bimë të dyshuara si Cannabis Sativa, të cilat janë asgjësuar në vendngjarje përmes djegies.
Aktualisht nuk ka persona të ndaluar në lidhje me këtë rast.
“Ditën e djeshme, gjatë kontrolleve me dron, është konstatuar në fshatin Mazhe, një ambient ku ishin kultivuar 12 bimë të dyshuara narkotike Cannabis Sativa, të cilat u asgjesuan me anë të djegies”, bëri me dije policia.
