Klubi i Partizanit ka dorëzuar në UEFA listën me 21 lojtarët e regjistruar për turin e parë në Ligën e Konferencës, ku “demat” përballen me Nome Kalju të Estonisë.
Ashtu siç pritej, në listë janë përfshirë të gjithë emrat e lojtarëve të afruar së fundmi nga të kuqtë, si Martinez, Garsia e Isgandarli. Lista e mëposhtme është ajo A, ndërsa asaj mund t’i shtohen edhe lojtarë të listës B, ku janë emra si Himallari, Vata e Qokthi.
Ndërkohë, bien në sy mungesat e mëdha të të kuqve si Janjeva e Ismaili të dëmtuar, ashtu si edhe Bintsuka i cili ndonëse ka rinovuar me klubin kryeqytetas, nuk ka ardhur ende në Shqipëri për të filluar përgatitjet.
Lista e lojtarëve:
Portierë: Alban Hoxha, Skander Tahri, Pano Qirko
Mbrojtës: Karlos Martínez, David Atanaskoski, Altin Bytyqi, Marcelino Preka, Paulo Buxhelaj, Mateo Çipi, Saliu Sembene
Mesfusha: Adnard Mehmeti, Gjergji Kote, Mateo Shanaj, Kazem Olamilekan Ogunleje, Tedi Malaj
Sulmues: Albers Keko, Xhuliano Skuka, Vusal Isgandarli, Judah Emanuel Garsia, Oresti Rifa, Besar Gudjufi
