Policia e Sarandës ka arrestuar në flagrancë dy persona, P. G., 55 vjeçe nga Saranda, dhe I. R., 53 vjeç nga Finiqi, pasi dyshohet se më 5 korrik, në fshatin Leshnicë e Poshtme, kanë ndezur zjarr që ka përfshirë një sipërfaqe prej rreth 450 metrash katrorë me bimësi dhe pemë frutore.
Materialet janë referuar në Prokurorinë e Sarandës për veprën penale “Shkatërrimi i pronës me zjarr”, në bashkëpunim.
Si pasojë e temperaturave të larta që kanë përfshirë vendin prej disa ditësh, Shqipëria po përballet me rritje të numrit të zjarreve, duke shkaktuar dëme në sipërfaqe të ndryshme me bimësi.
