Deputeti i PD, Dashnor Sula në fjalën e tij në parlament kërkon përgjegjësi nga institucionet dhe kryetarët e komisioneve parlamentare.
Sula konstatoi një mangësi të punimeve në Kuvend teksa theksoi se raportimi i detyrueshëm i institucioneve në Parlament duhej të kishte ndodhur deri në qershor, raportim i cili nuk ndodhi.
Për këtë arsye, Sula kërkon që opozita të bëjë kallëzim penal për kryetarët e komisioneve parlamentare, sepse sipas tij kanë shkelur ligjin, duke kryer veprën “shpërdorim detyre”.
“Në parlament, duhet të raportonin institucionet. Opozita të bëjë kallëzim penal për kryetarët e komisioneve parlamentare, sepse kanë shkelur ligjin, duke kryer veprën “shpërdorim detyre”. Institucionet duhet të raportonin deri në qershor dhe tani jemi në korrik. Opozita, nëse nuk bën teatër, duhet të reagojë dhe të bëjë kallëzim penal për kryetarët e komisioneve parlamentare”, tha Dashnor Sula.
