Një vatër zjarri është rregjistruar në kodrat pranë fshatit Hoshtimë në Vlorë.
Një nga banorët, i cili ka qenë dëshmitar i ngjarjes, tha për mediat se dëmi ishte i madh dhe se edhe varrezat u dogjën.
“Ju thaftë ajo dorë atij që e kanë vënë atë zjarr. Dëm i madh na u bë. U shuan pyjet. Po rrezikohen shtëpitë. U dogjën të gjitha. U dogjën edhe varrezat”, tha banori.
Momentalisht nuk ka ende informacion të plotë për shkakun e zjarrit dhe dëmet e plota, ndërsa banorët kërkojnë reagim më të shpejtë nga autoritetet.
