Një vatër zjarri është ndezur në fshatin Hoshtimë të Vlorës, në afërsi të varrezave, duke rrezikuar disa banesa.
Banorët kanë nisur zhvendosjen e bagëtive nga stallat pranë banesave të tyre.
Në vendngjarje kanë mbërritur vetëm 2 mjete zjarrfikëse të cilat janë të pamjaftueshme për të shuar flakët.
Sakaq vlen të theksohet se në këto ditë të nxehta vere, ku termometri po shënon deri në 40 gradë celsius, disa vatra zjarri janë aktivizuar në vendin tonë.
Ndërkohë si autoritetet vendore ashtu edhe ato të pushtetit qëndror nuk kanë marrë asnjë masë parandaluese.
