Policia e Tiranës ka identifikuar dy autorët e vjedhjes së 10 biçikletave dhe motopatinave, gjatë muajve janar, prill, maj dhe qershor, në lagje të ndryshme të kryeqytetit, gjatë natës. Njëri prej tyre është arrestuar, ndërsa tjetri është proceduar penalisht në gjendje të lirë.
Më konkretisht, në pranga është vënë shtetasi A. H., 34 vjeç, banues në Tiranë, ndërsa është proceduar penalisht në gjendje të lirë shtetasi F. T. Ata rezultojnë të dënuar më parë për vjedhje.
Policia thotë se vijojnë hetimet për zbardhjen e vjedhjeve të tjera që mund të kenë kryer këta shtetas.
Materialet procedurale i janë referuar Prokurorisë së Tiranës, për veprime të mëtejshme.
