Një tërmet me magnitudë 3.4 të shkallës Rihter është regjistruar këtë të enjte, në orën 13:51 në jugperëndim të Shqipërisë.
Epiqendra ka qenë rreth 17 km në juglindje të Patosit. Thellësia e tërmetit është përllogaritur në vetëm 5 kilometra, ç’ka e bën atë relativisht sipërfaqësor dhe më të ndjeshëm.
Lëkundjet janë ndjerë në Fier, Patos dhe Ballsh.
Në Shqipëri janë ndjerë disa lëkundje tërmeti gjatë ditëve të fundit, me më të fortën pranë zonës së Fushë Krujës me magnitudë 4,2 i shkallës rihter.
