Një tjetër klub i madh raportohet se i është bashkuar garës për transferimin e mesfushori të Club Brugge, Ardon Jashari.
Sipas gazetës angleze “Mirror”, Manchester United është skuadra e radhës që ka shprehur interesim për mesfushorin me origjinë shqiptare, i cili luan për përfaqësuesen e Zvicrës.
Gazeta angleze po ashtu ka raportuar se tashmë Junajtid ka nisur bisedimet me drejtuesit e klubit belg ndërsa thuhet se ofron 34 milionë paundë.
Club Brugge ka refuzuar ofertën e Fulhamit dhe West Ham për Jasharin. Interesim më herët për mesfushorin e talentuar të Zvicrës kanë shprehur edhe City, PSG-ja dhe Milani.
Jashari me Club Brugge ka kontratë deri në vitin 2029.
