Një operacioni i përbashkët mes policisë gjermane dhe asaj austriake goditi një bandë shqiptare të trafikut të drogës.
Operacioni u krye nga ‘La Familia’, një grup pune i ngritur mes autoriteteve gjermane dhe atyre austriake.
Banda e shqiptarëve drejtohej nga daja dhe nipi. Të dy së bashku ata kishin ngritur një rrjet të trafikut të drogës. Daja ishte i vendosur në Duisburg të Gjermanisë, kurse nipi vepronte në Austrinë e Poshtme.
Operacioni u zhvillua në disa pika të ndryshme. Si rezultat u sekuestruan 9 kg kokainë, 64 kg kanabis dhe 44 mijë euro në para të thata.
“Grupi kriminal shqiptar dyshohet fuqimisht se ka qarkulluar një sasi totale prej të paktën 32 kg kokainë dhe 65 kg kanabis bimor me vlerë rreth 2.5 milionë euro në zonën e Vjenës nga vera e vitit 2020 deri më 28 maj 2025”, thanë autoritetet lokale.
Policia bëri me dije se janë arrestuar 9 shqiptarë dhe një sllovak.
