Viktor Gyokeres nuk dëshiron të qëndrojë te Sporting Lisbona. Sulmuesi suedez i ka bërë të ditur drejtuesve, se kërkon një aventurë të re jashtë Portugalisë.
Palët po punojnë për të zgjedhur një skuadër të re, ndërsa interesimet nuk mungojnë. Arsenal dhe Manchester United e ndjekin me interes në Angli, ndërsa pëlqim ka shprehur edhe skuadra e Juventusit.
Dëshira e 27-vjeçarit është të transferohet tek Arsenali, por në rast se nuk plotësohen kërkesat e Sportingut, atëherë portugezët nuk do të lejojnë largimin e tij.
Sipas asaj që raportohet nga “A Bola”, lojtari është kthyer në një çështje, pasi kërkon të ndryshojë ekip dhe në rast se kjo nuk ndodh, ka njoftuar se nuk do të rikthehet në stërvitje me ekipin portugez.
