Një tjetër natë e errët për kryeqytetin ukrainas, pasi sulmet ajrore me dronë dhe raketa nga forcat ruse kanë lënë pas dhjetë të vdekur dhe dhjetëra të plagosur në Kiev dhe rrethinat e tij. Autoritetet ukrainase konfirmuan se mes të plagosurve janë edhe katër fëmijë.
Lagjja Shevchenkivskyi e Kievit u godit rëndë, ku një pallat banimi vetëm disa qindra metra nga Ambasada Amerikane u rrëzua pjesërisht pas një shpërthimi të fuqishëm. Ministria e Brendshme raportoi se në këtë zonë humbën jetën të paktën nëntë persona.
Pamjet e publikuara nga Reuters tregojnë shpërthime të mëdha mbi ndërtesat e apartamenteve, ndërsa shërbimet e emergjencës punuan gjatë gjithë natës për të nxjerrë të mbijetuar nga rrënojat.
Valery Mankuta, 33 vjeç, një punëtor ndërtimi që i mbijetoi shpërthimit, rrëfeu momentet dramatike: “Kisha tulla mbi trup. Ishte ferr i vërtetë. U zgjova në rrënoja. Dola nga dritarja e katit të tretë për të shpëtuar jetën”.
Sipas shërbimeve të emergjencës, në total janë plagosur 34 persona, ndër ta edhe një fëmijë në gjendje të rëndë. Përveç dëmeve në njerëz, sulmet shkaktuan zjarre të shumta në zonat e banuara.
Ky është një nga sulmet më të rënda të ditëve të fundit në kryeqytetin ukrainas, që vijon të jetë në shënjestër të bombardimeve të përsëritura nga Rusia.
Rusia lanza un ‘ataque masivo” de drones contra Kiev
Al menos cinco personas murieron y decenas resultaron heridas tras ataques con drones y misiles que causaron incendios y daños en seis de los diez distritos de Kiev, según reportó Ucrania.
Los ataques alcanzaron edificios… pic.twitter.com/MHwDMJPfSz
— DW Español (@dw_espanol) June 23, 2025
