Policia ka gjobitur me 100 000 lekë të rinj një 32-vjeçar pasi lundroi brenda perimetrit të sigurisë duke rrezikuar jetën e pushuesve në Velipojë.
Policia, e cila ka dështuar sërish të sigurojë një perimetër të sigurtë për pushuesit, u njoh me rastin nëpërmjet një video denoncimi në rrjete sociale.
Njoftohet se mjeti lundrues është bllokuar.
“Në lidhje me një video të publikuar në rrjetet sociale, ku shfaqet një mjet lundrues tip skaf, duke lundruar brenda perimetrit të sigurisë për pushuesit, në zonën e Velipojës, ju informojmë se:
Shërbimet e Policisë Kufitare kanë identifikuar drejtuesin e mjetit, shtetasin A. M., 32 vjeç, dhe kanë bërë bllokimin e mjetit lundrues.
Drejtuesit të mjetit lundrues, shërbimet e Policisë Kufitare i vendosën masën administrative prej 100 000 lekësh të rinj, në bazë të ligjit nr. 43/2020, neni 24, germa “c””– njofton policia.
