Klodian Duro, një emër i njohur për publikun shqiptar, është gati për kapitullin e radhës në karrierën e tij si trajner.
Pas dy vitesh pauzë në futboll, ai rikthehet në bankinë, këtë herë në krye të Lirisë së Prizrenit.
Më poshtë mund të lexoni njoftimin e plotë nga klubi prizrenas:
“Klodian Duro, mirësevjen te FC Liria
Një emër me peshë në futbollin shqiptar vjen në stolin tonë! Klodian Duro – ish-mesfushori legjendar i Kombëtares Shqiptare, me një karrierë të pasur si lojtar në Shqipëri, Turqi, Gjermani, Qipro, Austri – tani sjell përvojën e tij si trajner në Prizren.”
Pas eksperiencave si trajner te Kukësi, Feronikeli dhe Gjilani, Duro vjen te FC Liria me vizionin për ta ngritur skuadrën aty ku e meriton.
Prizrenasit sezonin e kaluar u ndalën në prag të ëndrrës për t’u rikthyer në Superligë, të eliminuar në gjysmëfinalen e “play-off”-it nga Vushtrria.
