Vetëm disa orë pasi Izraeli nisi valën e parë të sulmeve kundër Iranit më 13 qershor, duke vrarë zyrtarët më të lartë ushtarakë dhe shkencëtarët bërthamorë të vendit, agjentët e inteligjencës izraelite nisën një fushatë të fshehtë kërcënimesh ndaj zyrtarëve të lartë iranianë, me qëllim përçarjen dhe destabilizimin e regjimit në Teheran.
Sipas Washington Post, agjentë që punonin për shërbimet izraelite të sigurisë dhe që flisnin persisht, telefonuan me celularë zyrtarët e lartë iranianë dhe i kërcënuan me vdekje nëse nuk ndalonin mbështetjen ndaj regjimit. Gjatë këtij operacioni, mbi 20 iranianë në pozicione të larta morën këto telefonata.
Washington Post siguroi regjistrimin e një prej këtyre telefonatave, e cila u zhvillua në të njëjtën ditë kur Izraeli filloi bombardimet ndaj Iranit, më 13 qershor.
“Ke 12 orë kohë për të ikur me gruan dhe fëmijët. Përndryshe, je tashmë në listën tonë,” u tha një agjent i inteligjencës izraelite një gjenerali të lartë iranian. “Ne jemi më afër teje sesa vena jote e qafës. Kuptoje këtë. Zoti të ruajtë,” vazhdoi ai.
