Mosaktivizimi asnjë minutë me kombëtaren shqiptare dhe zërat e merkatos që e çojnë në Japoni, duket se nuk e kanë shpërqëndruar Jasir Asanin nga fusha e lojës.
Në ndeshjen e sotme që ekipi i tij Gwangju FC luajti përballë pretendentëve për titull të Daejeon, Jasir Asani shkëlqeu me një gol dhe një asiste, teksa ndeshja i mbyll në barazim 2-2.
Në minutën e 56-të, sulmuesi anësor nisi dhe më pas finalizoi saktësisht një zbritje të shpejtë të skuadrës së tij, duke u dhënë avantazhin e përkohshëm 1-0.
Ajo që tërhoqi vëmendjen ishte festimi i Jasir Asanit pas golit, ku bëri shenjën e pistoletës me duar dhe më pas shkrepjen e saj. Nuk dihet nëse ai e kishte këtë festim si mesazh për dikë apo jo.
Ndërkohë, në minutën e 72′ të takimit, Jasir Asani dhuroi asistin për shokun e tij të ekipit, Park In-Hyeok, duke kaluar edhe një herë tjetër në avantazh të përkohshëm.
Ky ishte goli i 5-të në këtë sezon për Asanin, i cili ka luajtur në 17 ndeshje me fanellën e klubit të tij, ku mbetet një nga lojtarët më vendimtare në fazën ofensive të skuadrës që ka shënuar vetëm 20 gola deri tani.
VIDEO E GOLIT
VIDEO E ASISTIT
