Sharon Stone pushton kopertinën e revistës amerikane Vogue me foto provokuese, si ato të skenave të filmit të 33 viteve më parë Basic Instinct. Vitet nuk kanë rëndësi për pamjen e një ylli të kinemasë hollivudiane si Sharon Stone.
67-vjeçarja ripërsëriti një skenar provokues të një prej filmave më të famshëm, ku ka pasur një rol protagonisteje, Basic Instinct. Në këtë foto ajo shfaqet topless, teksa mbahet në krahë nga një grup djemsh modelë.
Fotoja është pjesë e një seti, të cilin ylli i kinemasë e realizoi për revistën Vogue Adria, variant i medias së shkruar amerikane për Ballkanin Perëndimor.
Këto foto tregojnë fizikun perfekt për një ikonë të botës së kinemasë si ajo. Ndonëse vitet kanë ecur, sharmi i saj ka ndryshuar pak nga ai i para më shumë se 3 dekadave.
