Atletico Madrid i Cholo Simeone nuk e ka nisur mirë aventurën në Kupën e Botës për klube, pas humbjes së thellë me PSG në ndeshjen e parë. Kjo tregon se skuadra duhet të përforcohet për të sfiduar Barcelonën dhe Real Madridin në Spanjë.
Vitin e kaluar, “colchoneros” arritën të qëndronin në krye të tabelës për gjashtë muajt e parë, për të rënë më pas në gjysmën e dytë të sezonit, duke përfunduar të tretin në La Liga.
Këtë sezon të ri, Atletico dëshiron të rinovojë paketën e tyre mbrojtëse dhe objektivi i tyre kryesor është Piero Hincapie, mbrojtësi i majtë që luan me Bayer Leverkusen. Një ofertë fillestare prej 40 milionë euro është tashmë gati për lojtarin 23-vjeçar.
Edhe trajneri Simeone i ka dhënë dritën jeshile marrëveshjes. Do të jetë në dorën e klubit gjerman që të shmangë sulmet e Atletico, me Leverkusen që tashmë ka mbledhur pothuajse 200 milionë euro nga shitjet e Wirtz dhe Frimpong te Liverpool.
