Këtë të mërkurë është publikuar kalendari i plotë për kampionatin anglez, me sezonin e ri që do të nisë në javën e tretë të muajit gusht.
Në total janë 380 përballje, ndërsa janë shtuar dhe 3 ekipet të cilat siguruan ngjitjen Burnley, Sunderland dhe Leeds United.
Java e parë nis me një supersfidë, që natyrisht nuk mund të mungonte një e tillë që në nisje, ku Manchester United do të pres në shtëpi Arsenalin e Mikel Artetës.
Kampionët në fuqi, Liverpool do të zbresë në fushë që në ditën e parë, ku më 15 gusht në orën 20:00 luanë ndaj Bournemouth në Anfield.
Java 1
Java e dytë, ajo e tretë apo dhe të tjera rezervojnë duele mjaft të forta në kampionatin anglez si Manchester City-Tottenham apo Liverpool-Arsenal.
Derbi i zjarrtë i Manchesterit gjen vend në javën e katërt më 13 shtator në Ethihad, që do të jetë dhe ballfaqimi i parë mes dy emrave të mëdhenj të të njëjtit qytet.
Derbi i Liverpoolit vjen një javë më pas, aty ku Arne Slot dhe të tijët presin Evertonin, këtë herë pa Armando Brojën.
Java e fundit, ajo e 38 nuk premton asgjë të veçantë, por ka një domethënie të veçantë, pasi kur Chelsea luan ndaj Sunderland, në mbyllje, është shpallur kampione.
