Kreu i KQZ, Ilirjan Celibashi, njofton se nesër e martë 17 qershor do të nisë procesi i rinumërimit të votave nga zgjedhjet e 11 Majit në qarqet Tiranë, Fier, Durrës dhe Elbasan.
Celibashi thotë se në total, do të hapen 2.323 qendra votimi, përfshirë edhe 85 kutitë e votimit nga jashtë vendit.
Sipas kreut të KQZ procesi i rinumërimit të votave do të zhvillohet nga 24 grupe numërimi, me 63 punonjës të administratës (48 numërues + 15 zëvendësues).
Rinumërimi do të realizohet në 24 tavolina, ku janë të pranishëm vëzhgues të autorizuar nga 3 subjektet ankimuese: Koalicioni PD-ASHM, PS dhe Partia Mundësia.
Celibashi njofton ndër të tjera se i gjithë procesi i rinumërimit do të realizohet në Pallatin e Sportit Farie Hoti në Tiranë, si edhe do të transmetohet live në rrjetet sociale të KQZ.
QARKU TIRANË
Të gjitha kutitë e votimit brenda vendit
18 KZAZ
1.282 qendra votimi
QARKU FIER
Të gjitha kutitë për subjektet dhe kandidatët
9 KZAZ
587 qendra votimi
QARKU DURRËS
Rinumërim i plotë për:
111 QV të KZAZ nr. 21 dhe 22
126 QV të listuara nga PD-ASHM
60 QV të kërkuara nga PLL
Përfshirë edhe 85 kuti nga votimi jashtë vendit
Në total: 360 kuti për rinumërim (275 brenda vendit + 85 jashtë)
QARKU ELBASAN
94 QV të KZAZ nr. 45 dhe 52 (fletë votimi dhe materiale zgjedhore)
Transparencë për buxhetin:
• 7.858.600 lekë për sistemin e regjistrimit dhe transmetimit online të rezultateve
• 8.480.000 lekë për infrastrukturën logjistike
• 4.775.450 lekë për zarfe dhe materiale ndihmëse
