Është zbardhur identiteti i të riu, i cili u mbyt pasditen e kësaj të diele në lumin Mat. Burime bëjnë me dije se viktima është shtetasi Klajdi Elezi, 22 vjeç, me banim në Skuraj të Milotit në Kurbin.
Mësohet se ai ka qenë duke u larë së bashku me dy kushlrinjtë e tij në lumin Mat, në pjesë e Skurajt. Teksa ka qenë duke u larë, të riun e ka marë rrjedha e ujit dhe nuk ka arritur të dalë dot më, duke u mbytur.
Trupi i pajetë i të riut është nxjerrë nga uji nga Policia dhe banorët e zonës dhe më pas është dërguar në morgun e Tiranës për ekspertizë mjeko-ligjore.
NJOFTIMI
Rreth orës 16:00, është njoftuar Salla Operative se në fshatin Skuraj, në lumin Mat, shtetasi K. E., duke u larë në lumë, dyshohet se është rrëmbyer nga rrjedha e lumit dhe për pasojë ka humbur jetën.
Shërbimet e Policisë, në bashkëpunim me banorët e zonës, kanë gjetur dhe nxjerrë trupin e pajetë të 22-vjeçarit dhe kanë transportuar në morg për veprime të mëtejshme.
Grupi hetimor nën drejtimin e Prokurorisë vijon punën për sqarimin e rrethanave të ngjarjes dhe përcaktimin e shkakut të humbjes së jetës.
