Në një intervistë për “Gazzetta dello Sport”, trajneri i Chelsea, Enzo Maresca, foli për mënyrën se si skuadra e tij po i afrohet Kupës së Botës për klube. “Mendërisht, ne po arrijmë atje shumë mirë”, u shpreh trajneri italian.
“I kemi arritur qëllimet tona, edhe nëse ato kanë ndryshuar gjatë vitit, duke pasur parasysh që kemi arritur para kohë rikthimin në Champions League. Fituam edhe Conference League, por kur je te Chelsea luan gjithnjë për të fituar”, tha Maresca.
“Ne po përballemi me skuadra nga vende të largëta, me të cilat nuk kemi një marrëdhënie si ekipet e tjera të Premier League apo në Evropë. Po përgatitemi duke u përpjekur të shikojmë sa më shumë nga ndeshjet e kundërshtarëve tanë, duke i analizuar ato me detaje”, shtoi Maresca.
Ai dha një koment për tre të rinj si Delap, Essugo dhe Sarr, të ardhur së fundi: “Ata janë tre talente. Unë e kam trajnuar Delap në City Under 21. Ai tashmë ka përvojë në Premier League”.
“Ai shënoi 12 gola me Ipswich dhe është një djalë i fortë. Dy të tjerëve do t’u duhet kohë: Të dy janë 20 vjeç, por do të jemi të gatshëm të kuptojmë kur lojtarët do të jenë shumë të fortë“, tha Maresca.
