Ministria për Evropën dhe Punët e Jashtme ka njoftuar se po ndjek me prioritet dhe vëmendje të veçantë situatën e qytetarëve shqiptarë në Izrael, në kuadër të zhvillimeve të fundit të tensionuara në rajon.
Sipas informacionit zyrtar, deri më tani nuk është raportuar asnjë qytetar shqiptar i lënduar apo i dëmtuar.
Aktualisht janë identifikuar pesë shtetas shqiptarë në Izrael: tre me status turisti dhe dy me qëndrim të përkohshëm. Ambasada shqiptare në Tel Aviv është në kontakt të vazhdueshëm me ta.
Sipas njoftimit, të gjithë ndodhen në gjendje të mirë shëndetësore, janë të informuar dhe po ndjekin udhëzimet e autoriteteve izraelite për sigurinë.
Ministria bën me dije se, për shkak të situatës, fluturimet janë ndërprerë.
“Ambasada jonë në Tel Aviv është në kontakt të vazhdueshëm me ta. Të gjithë janë në gjendje të mirë shëndetësore, janë të informuar dhe po ndjekin udhëzimet e sigurisë të autoriteteve izraelite.
Njoftojmë se për shkak të situatës, fluturimet janë ndërprerë. Për çdo informacion shtesë dhe nevoja emergjente, lutemi të kontaktoni Ambasadën Shqiptare në Tel Aviv në numrat e emergjencës:
[] +972 54 480 6601
[] +972 54 904 2813″- thuhet ndër të tjera në njoftim.
