Izraeli ka kryer sulme ndaj centraleve bërthamore në Iran, sipas IDF, ndërsa janë dëgjuar shpërthime në Teheran.
Kryeministri Benjamin Netanyahu u shpreh se Irani ishte një kërcënim për “vetë mbijetesën e Izraelit” pas sulmeve.
“Nëse nuk ndalet, Irani mund të prodhojë një armë bërthamore në një kohë shumë të shkurtër”, deklaroi ai.
Izraeli ka shpallur gjendje të jashtëzakonshme, duke thënë se vendi pret kundërsulme “në të ardhmen e afërt”.
Televizioni shtetëror iranian ka raportuar se zonat e banuara në Teheran u goditën dhe se midis të vrarëve kishte civilë, përfshirë fëmijë.
Mediat shtetërore iraniane raportuan gjithashtu se u vra në një sulm ajror shefi i Gardës Revolucionare, Hossein Salami, një degë e fuqishme e forcave të armatosura të vendit, si dhe shkencëtarë bërthamorë.
Irani ka akuzuar SHBA-në se mbështet sulmin e Izraelit, gjë të cilën SHBA-ja e mohon.
Presidenti i SHBA-së, Donald Trump u shpreh për Fox News se ishte në dijeni të sulmeve paraprakisht, por theksoi se SHBA-ja nuk luajti asnjë rol.
