Shqipëria ka shënuar golin e avantazhit në transfertë përballë Letonisë.
Në minutën e 29-të është zhbllokuar rezultati, teksa Arbër Hoxha kroson në krah dhe pas një dyluftimi mes Manaj dhe portierit dhe mbrojtësit letonez, topi përplaset në këtë të fundit dhë përfundon në rrjetë.
Minutat e para kanë qenë më të mira për kuqezinjtë, por vendasit patën shansin e artë për të kaluar të parët në avantazh.
Në minutën e 17-të, pas një kundërsulmi të shpejtë, letonezët zënë në befasi mbrojtjen tonë dhe Kumbulla pengon sulmuesin e Letonisë, Gutkovskis, brenda zonës, arbitri jep 11 metërsh.
Thomas Strakosha u kthye në hero për kuqezinjtë pasi priti penalltinë e goditur nga Ikaunieks.
