Shqipëria përballet me Rigan në Letoni, në kuadër të kualifikueseve të Botërorit. Trajneri i kuqezinjve, Sylvinho iu përgjigj pyetjeve të gazetarëve, në konferencën për shtyp, para ndeshjes që do luhet të martën.
Tekniku kuqezi deklaroi se gjithmonë ndeshja e dytë është më e vështirë, në aspektin e rikuperimit dhe menaxhimit.Sipas tij, formacioni do të vendoset pas përgatitjeve të fundit që do të zhvillohen në Riga.
Sfida ndaj Letonisë – Në futboll ka gjithmonë presion, ne tashmë kemi bërë 3 ndeshje, kemi edhe 5 ndeshje për të mbyllur grupin. Duhet të mbledhim sa më shumë pikë që të jetë e mundur.
Është ndeshje shumë e rëndësishme, vendimtare për vijueshmërinë. Letonia është ekip fizik, ka lojtarë të fortë, të lartë dhe mund të luajnë me skema të ndryshme. Ka një trajner italian, kanë metodë të tyre specifike sesi e organizojnë ekipin në fushë. shtë ndeshje e vështirë për t’u organizuar, por shumë e rëndësishme.”
Ndeshja e dytë është më e vështirë, këtë e thonë edhe trajnerë të tjerë. Ne nuk e kemi vendosur ende për formacionin. Do të zhvillojmë disa seanca stërvitore deri në orën e ndeshjes, do të shikoj gjendjen e lojtarëve dhe formacioni vendoset nesër.
Kemi një lloj avantazhi, duke qenë se kemi shumë lojtarë që mund të zgjedhim në pozicione të ndryshme. Kemi Muçin, Pajazitin, Asllanin apo Dakun.
