Kosova ka fituar edhe takimin e dytë miqësor, që ishte programuar për muajin qershor. Kishte sërish spektakël me gola, pasi u shënuan gjashtë të tillë në sfidën me Comoros.
“Dardanët” e drejtuar nga trajneri Foda fituan 4-2. Fitorja e Kosovës erdhi me përmbysje, pasi fillimisht Bakari kishte shënuar për miqtë në “Fadil Vokrri”.
Tripleta e Albion Rrahmanit dhe goli i Fisnik Asllanit në fund, vulosën takimin. Kujtojmë se sfida e mëparshme ishte fituar 5 me 2 përballë Armenisë në “Fadil Vokrri”.
