Ardian Ismajli është kthyer në një lojtar që po tërheq vëmendje në merkato.
Sipas mediave turke, mbrojtësi i kombëtares shqiptare kërkohet nga Trabzonspor. Ky është klubi i tretë turk që ka interes për të, sepse më herët është kërkuar edhe nga Galatasaray dhe Besiktas.
Mbrojtësi shqiptar po mendon për hapin e radhës pas rënies së Empolit në Serie B. Sezonin që lamë pas ai ka luajtur 29 ndeshje.
27-vjeçari aktualisht kushton rreth 6 milionë euro. Ndoshta po pret një ofertë në javët e fundit të qershorit në një skuadër italiane, ku do të ndihej më rehat.
