Tre perona janë ndaluar nga policia lidhur me aksidentin që u regjistrua ditën e djeshme të “ALBCHROME” në Elbasan ku mbeti i aksidentuar rëndë në punë një mekanik i uzinës.
Aksidenti ndodhi rreth orës 12.15 në repartin e copëtimit të ferrokromit dhe inxhinieri i procesit të punën në turn rezultoi se ishte Rexhep Xhardja dhe puna ndiqej nga brigadieri mekanik, Myslym Hoxha dhe inxhinieri mekanik Fatjon Ikonomi.
Raportohet se mekaniku Rubin Meçja po punonte së bashku me një grup kolegësh profesionistë për ndërrimin e pllakave të copëtimit të ferrokromit, një proces ky periodik që kryhet kohë pas kohe në këtë uzinë.
Në momentin e ngjarjes mekaniku Rudin Meçja ka qenë poshtë pllakës së copëtuesit dhe është goditur fuqishëm në shpatull dhe shtyllën kurrizore nga agregati i saj.
