Merkato ende nuk është hapur zyrtarisht, por disa nga klubet shqiptare, kanë nisur me lëvizjet.
Dinamo ka afruar Ysni Ismailin. Pas paraqitjeve të shkëlqyera te Vora, mbrojtësi i djathtë është transferuar te kryeqytetasit.
23-vjeçari është vënë nën urdhrat e trajnerit Ilir Daja, ndërsa bëhet transferimi i parë për “nëndetësen”.
Ismaili ka qenë pjesë e moshave të Shqipërisë, ndërsa kjo do të jetë aventura e parë në elitën e futbollit shqiptar.
Lëvizje ka edhe te klubi i Tiranës. Portieri Romeo Harizaj është larguar nga bardheblutë, por do të mbetet pjesë e Superiores. Është Vora që ka njoftuar firmën me Harizajn, i cili te Tirana i kishte minutat me “pikatore”.
