Pas Petar Suçiç, Interi mirëpret përforcimin e dytë të merkatos së verës, në funksion të Kupës së Botës për Klube dhe sezonit të ardhshëm. Anësori Luis Henrique, i blerë te Marseja zbarkoi në Malpensa disa minuta më parë.
Nesër në mëngjes, braziliani do të kryejë vizitat mjekësore përpara se të nënshkruajë kontratën që do ta lidhë atë me Interin për pesë vitet e ardhshme, deri më 30 qershor 2030.
Klubi milanez do t’i paguajë klubit francez 23 milionë euro plus 2 milionë në bonuse, të lidhura me rrugëtimin në edicionin e ardhshëm të Ligës së Kampioneve.
Këtë sezon ai zhvilloi 35 ndeshje me 9 gola dhe 10 asiste në të gjitha garat. Driblimi dhe shpejtësia janë karakteristikat e tij më të mira.
Luis Henrique is in Milano, set to sign a five-year contract with Inter tomorrow. €23m + €2m transfer fee to OM. ⚫️ #Inter #TeamOM @SkySport pic.twitter.com/3nNPX4dQ4q
— Luca Bendoni (@LucaBendoni) June 2, 2025
