Kreu i agjencisë së Kombeve të Bashkuara për refugjatët palestinezë tha sot se shpërndarja e ndihmës humanitare në Gaza është shndërruar në një “kurth vdekjeprurës”, duke cituar raportet e mjekëve në terren për “viktima masive” midis civilëve të uritur këtë mëngjes.Screenshot_10
“Dorëzimi dhe shpërndarja e ndihmës duhet të kryhet në shkallë të gjerë dhe në siguri të plotë”, shkroi kreu i UNRWA-s, Philippe Lazzarini, në një mesazh të postuar në llogarinë e tij në platformën X.
“Në Rripin e Gazës, kjo mund të bëhet vetëm përmes Kombeve të Bashkuara, kryesisht përmes UNRWA-s”, shtoi ai.
