Tashmë është zyrtare: Massimiliano Allegri rikthehet në pankinën e Milanit si trajner i parë i ekipit kuqezi. Lajmi është konfirmuar nga vetë klubi nëpërmjet një komunikate zyrtare:
“AC Milan njofton se i ka besuar drejtimin teknik të skuadrës së parë meshkuj Massimiliano Allegrit.”
I lindur në Livorno më 11 gusht 1967, Allegri ka pasur një karrierë të gjatë si futbollist në Serie A me skuadrat e Pizës, Pescara-s, Cagliari-t, Perugia-s dhe Napolit. Rrugëtimi i tij si trajner nis në vitin 2002, duke drejtuar Aglianese-n, më pas SPAL-in, Grosseto-n dhe Sassuolo-n, përpara se të merrte drejtimin e Cagliari-t në vitin 2008, ku debutoi në Serie A.
Në vitin 2010, Allegri vjen për herë të parë te Milan-, ku fiton menjëherë titullin kampion – Scudetto-n e 18-të në historinë e klubit – si dhe Superkupën e Italisë në vitin 2011. Më pas, nga viti 2014 deri në 2019 dhe përsëri nga 2021 deri në 2024, ai drejton Juventusin, me të cilin fiton 5 tituj kampionë, 5 Kupa të Italisë dhe 2 Superkupa italiane.
Klubi kuqezi ka uruar Allegrin dhe stafin e tij me fjalët:
“Klubi i uron Massimilianos dhe bashkëpunëtorëve të tij një fillim të mbarë dhe shumë suksese në aventurën e re.”
Me rikthimin e Allegrit, Milani shpreson të hapë një kapitull të ri suksesi, me objektiva të qartë për të konkurruar në majat e futbollit italian dhe evropian.
