Massimiliano Allegri pritet që të jetë trajneri i ri i Milanit.
“Gazetto dello Sport” raporton se sulmi i shpejtë nga drejtori i ri sportiv, Igli Tare, ishte i suksesshëm dhe trajneri nga Livorno duket se i tha “PO” disa orë më parë ofertës së kuqezinjve që mbërriti të mërkurën në mbrëmje.
Allegri pritet të firmosë një kontratë tre-vjeçare me vlerë 5 milionë në sezon plus dy në bonuse.
Pasi u shkarkua nga Juventusi një vit më parë, Allegri tashmë rikthehet në stol dhe për të do të jetë një nga sfidat më të vështira të karrierës së tij, për të ringjallur një ekip të Milanit që vjen nga një nga sezonet më të këqija në historinë e saj të kohëve të fundit.
Trajneri toskan, i cili merr drejtimin e ekipit nga Sergio Conceiçao, do të kthehet në Milanello pas 11 vitesh: në përvojën e tij të parë me kuqezinjtë (2010-2014), Allegri ka pasur 178 paraqitje (91 fitore, 49 barazime, 38 humbje, 303 gola të shënuar dhe 178 të pësuar), duke fituar një Scudetto (2010-2011) dhe një Superkupë Italiane (2011).
