Orges Shehi është aktualisht trajner i Ballkanit, por pasditen e sotme me në të një “story” në Intagram ka shfaqur një postim, kur ishte pjesë e Tiranës.
Kështu Shehi ka trazuar rrjetin me veprimin e fundit dhe nuk dihet nëse kjo është thjesht një nostalgji e teknikut durrsak për Tiranën ose nëse paralajmëron një rikthim të bujshëm.
Aktualisht në krye të bardhebluve qëndron Bledi Shkëmbi, që mbylli sezonin duke siguruar mbijetesën ndërsa një largim i tij nuk do të ishte i papritur.
Shehi ishte pjesë e Tiranës për 120 ndeshje nga janari i vitit 2021 deri në tetorin e vitit 2023. Gjatë kësaj kohe fitoi titullin dhe Superkupën duke qenë ndër trajnerët më të suksesshëm të bardhebluve në vitet e fundit.
Tirana ka nisur revolucionin për sezonin e ri. Zyrtarizimi i fundit ishte largimi i Agim Ibraimit nga detyra e drejtorit sportiv. Pasuesi i tij pritet të jetë Tefik Osmani.
