Policia ka proceduar penalisht pronarin e një qendre masazhi në Tiranë që shërbente si fole prostitucioni të zbuluar nga një emision investigativ në News24, si edhe për dy punonjëse seksi.
Uniformat blu nisën procedimin për pronarin, i identifikuar si 35-vjeçari me iniciale G. Sh., dhe dy shtetaset që ushtronin prostitucion, 37 vjeçarja me iniciale E. C., dhe 28 vjeçarja me iniciale M. K..
Ndërkohë policia po punon për kajen e 28-vjeçares dhe dokumentimin e plotë të rrethanave të rastit.
“Specialistët për Hetimin e Trafiqeve të Paligjshme referuan materialet në Prokurori, ku pas komunikimit me prokurorin, nisi procedimi në gjendje të lirë për shtetasit G. Sh., 35 vjeç, dhe E. C., 37 vjeçe, si dhe u shpall në kërkim shtetasja M. K., 28 vjeçe, pasi bazuar në pamje filmike të transmetuara në emisionin “Tak-Fak”, në një qendër për masazhe, në pronësi të 35-vjeçarit, ushtronin prostitucion 2 shtetaset. Punohet për kapjen e 28-vjeçares, si dhe për dokumentimin e plotë të rrethanave të rastit”, informoi policia.
Lexo edhe:
“Kur hap sh*lët, marr 50 euro”/ Zbulohet se çfarë ndodh brenda ‘strofullave’ të prostitucionit
