Chelsea është fituesi i edicionit të katërt të Ligës së Konferencës, në të cilin që në fillimin e turneut ishte favoriti kryesor. Londinezët kanë mundur në finale Betisin me shifrat 4-1, pas një pjese të dytë të jashtëzakonshme.
Në fakt ishte Betisi që dominoi pjesën e parë të ndeshjes, duke gjetur shpejt golin me Ezazulin dhe duke krijuar raste të tjera për të dyfishuar shifrat.
Por në pjesën e dytë, në skenë doli Chelsea i frymëzuar nga Palmer i cili dha brenda 5 minutash asistet për golat e përmbysjes së Fernandez dhe Xhekson.
Më pas për anglezët ishte e shumë e thjeshtë të administronin lojën e gjenin hapësira, teksa shënuan përsëri me Sançon e pastaj Kaisedon, për të vulosur fitoren 4-1 që u dha trofeun.
