Policia kufitare ka arrestuar tre persona nga Siri Lanka në pikën e kalimit kufitar të Qafë Thanës, pasi tentuan të kalonin kufirin me dokumente të falsifikuara.
Policia bën me dije se N. L 57 vjeç, A. K 51 vjeç, dhe K. W 36 vjeç, kishin një leje qëndrimi në Itali, të cilat dyshohet se janë falsifikuar. Ata akuzohen për veprën penale, “Falsifikimi i letërnjoftimeve, i pasaportave ose i vizave”.
Ndërkohë, në një rast të veçuar, strukturat e Drejtorisë Vendore për Kufirin dhe Migracionin Korçë referuan materialet në Prokurori për shtetasin M. B 37 vjeç, banues në fshatin Grabovicë, Pogradec.
Ai u kap nga shërbimet e Policisë Kufitare në fshatin Goricë, duke tentuar të kalonte ilegalisht kufirin shtetëror. Për të është nisur procedim penal për veprën “Kalimi i paligjshëm i kufirit shtetëror”.
